Friday, January 21, 2011

അരക്കള്ളന്‍ മുക്കാല്‍ കള്ളന്‍


"അരുണ്‍ ബാബു "

"present ടീച്ചര്‍ "

"അരുണ്‍ ഷാജി "

"present ടീച്ചര്‍ "

ഇനി താഴേക്കുള്ള ഹാജര്‍ നില പരിശോധിക്കേണ്ട ആവശ്യം തല്ക്കാലം നമുക്കില്ല.കാരണം നമ്മുടെ 'കഥാനായകര്‍' ഇവിടെ ഹാജരുണ്ട്.അരുണ്‍ ബാബുവും അരുണ്‍ ഷാജിയും.ദൈവം സഹായിച്ച് L.P ക്ലാസുകളില്‍ ഇവരുടെ കൂടെ ഇരുന്നു പഠിക്കാനുള്ള ഭാഗ്യം എനിക്ക് സിദ്ധിച്ചിട്ടുണ്ട്.

ക്രിക്കറ്റിനു ജീവശ്വാസത്തെക്കാളും വില കല്പിച്ചിരുന്ന കാലമായിരുന്നു  അത്.സ്കൂളില്‍ ക്രിക്കറ്റ്‌ കളിയ്ക്കാന്‍ അനുവാദം ഇല്ലാതിരുന്നിട്ട് കൂടി എതിര്‍പ്പുകള്‍ അവഗണിച്ച്‌ ഞങ്ങള്‍ കളിച്ചിരുന്നു.

എപ്പോഴത്തെയും പോലെ  ആ lunch break നും ഞങ്ങളുടെ സംസാര വിഷയം ക്രിക്കറ്റ്‌ തന്നെ ആയിരുന്നു. പെട്ടെന്നാണ് ഞങ്ങളെ എല്ലെവരെയും ഞെട്ടിച്ചു കൊണ്ട് അരുണ്‍ ബാബു ആ സത്യം( നുണ ) പുറത്ത് വിട്ടത്. "എന്റെ വീട്ടില്‍ bowling machine ഉണ്ട് "
"bowling മെഷീന്‍...!!! ?"
"അതെ " അരുണ്‍ ബാബു പറഞ്ഞു തുടങ്ങി.
ഒരു ബോള്‍ വാങ്ങാന്‍ പോലും പൈസ ഇല്ലാതെ പേപ്പര്‍ ചുരുട്ടി പന്തുണ്ടാക്കി കളിച്ചിരുന്ന ഞങ്ങള്‍ക്ക് അത്ഭുതതമല്ല അസൂയയാണ് തോന്നിയത് എന്ന് പറഞ്ഞാലും തെറ്റില്ല. സ്വിച്ച് അമര്‍ത്തുമ്പോള്‍ ഫാസ്റ്റ് ബോള്‍,ലെഗ് സ്പിന്‍,ഓഫ്‌ സ്പിന്‍,.മീഡിയം, എന്നിങ്ങനെ മാറി മാറി എറിഞ്ഞു തരുന്ന മെഷീന്‍.നെ കുറിച്ച് അരുണ്‍ ബാബു വാചാലനായി.
ഇത് കേട്ട് (സഹിക്കാനാവാതെ) അരുണ്‍ ഷാജി ഇങ്ങനെ പറഞ്ഞു തുടങ്ങി "എന്റെ ചേട്ടന്റെ കൈയില്‍ 2 പേപ്പറുകള്‍ ഉണ്ട്.ഒരെണ്ണം ഒപ്പിട്ടു കൊടുത്താല്‍ ചേട്ടനെ ഇന്ത്യന്‍ ക്രിക്കറ്റ്‌ ടീമില്‍ എടുക്കും,മറ്റേതില്‍ ഒപ്പിട്ടു കൊടുത്താല്‍ ഫുട് ബോള്‍ ടീമില്‍ എടുക്കും "
അരുണ്‍ ബാബു തന്ന ഞെട്ടലില്‍ നിന്ന് ഇനിയും മോചിതരാവാത്ത ഞങ്ങള്‍ അരുണ്‍ ഷാജിയുടെ ഈ   സത്യം(നുണ ) കൂടി കേട്ടപ്പോള്‍ വാ പൊളിച്ചു പോയി.
ചേട്ടനെ ഫുട് ബോള്‍ ടീമില്‍ കയറ്റിയിട്ട് തനിക്ക് ക്രിക്കറ്റ്‌ ടീമില്‍ കയറണം എന്ന ആഗ്രഹവും അവന്‍ മറച്ചു വച്ചില്ല.
"അത് പോലെ ഒരു പേപ്പര്‍ ഞങ്ങള്‍ക്ക് കൂടി ഒപ്പിച്ചു തരുമോ ?" ഞങ്ങള്‍ ഒരേ സ്വരത്തില്‍ അരുണ്‍ ഷാജിയോട് ചോദിച്ചു.പക്ഷെ അവന്റെ മറുപടി ഞങ്ങളെ നിരാശപ്പെടുത്തി കളഞ്ഞു.
ചേട്ടന്‍ ഇരുമ്പ് കൊണ്ടുണ്ടാക്കിയ ബാറ്റും ബോളും  ആണത്രേ ഉപയോഗിക്കുന്നത്.അതില്‍ കളിച്ചു പഠിച്ചാലേ ടീമില്‍ എടുക്കു.അരുണ്‍ ഷാജി പോലും അതില്‍ പ്രാവീണ്യം നെടുന്നെ ഉള്ളു അത്രേ. ഇരുമ്പ് ബാറ്റും ബോളും ഉപയോഗിക്കുന്ന അരുണ്‍ ഷാജിയുടെ ചേട്ടന്‍റെ ശക്തിയെ പറ്റി ഓര്‍ത്തപ്പോള്‍ ഞങ്ങളുടെ കണ്ണ് തള്ളി പോയി. ഫുട് ബോള്‍ കളിയ്ക്കാന്‍ ചേട്ടന്‍ ഉപയോഗിച്ചിരുന്ന ബൂട്സും ഇരുമ്പ് തന്നെ.
"ഹോ "
പിന്നെയും കാലങ്ങള്‍ കൊഴിഞ്ഞു വീണു.അരുണ്‍ ബാബുവും അരുണ്‍ ഷാജിയും ഇത്തരം കഥകള്‍ പറഞ്ഞ്‌ ഒരു ക്ലാസ്സിനെ മുഴുവന്‍ കോരിത്തരിപ്പിച്ചു കൊണ്ടുമിരുന്നു. നുണകള്‍ മനസിലാക്കാന്‍ വീണ്ടുമെടുത്തു കാലങ്ങള്‍.അപ്പോഴേക്കും അവര്‍ രണ്ടും സ്കൂള്‍ മാറി പോയിരുന്നു. എങ്കിലും ഓര്‍ത്തു ചിരിക്കാനുള്ള ഓര്‍മ്മകള്‍  ‍(നുണകള്‍) സമ്മാനിച്ച ഇവരില്‍ ആരാണ് അരക്കള്ളന്‍,ആരാണ് മുക്കാല്‍ കള്ളന്‍ എന്നതിന്,ഞങ്ങള്‍ പഴയ സുഹൃത്തുകള്‍ക്കിടയില്‍ ഇനിയും ഒരു തീരുമാനമായിട്ടില്ല.

2 comments:

  1. adutha upades nayii kathirikuvanu njan karanam varan pokunna etho oru pagil..ente perum..kanuvan edayundu...

    ReplyDelete
  2. aliyaaa ith rasamund...njn ipozha nokiye...

    ReplyDelete