Wednesday, January 26, 2011

കുട്ടേട്ടന്‍


സുഹൃത്തുക്കളേ...
ഇതെന്‍റെ കഥയല്ല..എനിക്കിതില്‍ ഒരു 'ഗസ്റ്റ് അപ്പിയറന്‍സ് ' പോലുമില്ല..നാട്ടില്‍ പറഞ്ഞു പഴകിയ,
പറഞ്ഞു കേട്ട ഒരു കഥയാണ്‌ .
കുട്ടേട്ടന്‍റെ കഥയാണ്.
കുട്ടേട്ടന്‍ ഒരു നാട്ടുപ്രമാണിയാണ്‌.ഒരു റിട്ടയേര്‍ഡ്‌ ഹെഡ് കോണ്‍സ്റ്റബിള്‍..നാട്ടിലെ എല്ലാ ഉത്സവങ്ങള്‍ക്കും ആഘോഷങ്ങള്‍ക്കും മുന്‍പില്‍ തന്നെ ഉണ്ടാവും.
 ദുശ്ശീലങ്ങള്‍ ഒന്നും തന്നെയില്ല.അതുകൊണ്ടൊക്കെ തന്നെ അദ്ദേഹം ജനപ്രിയനുമാണ്.

കുട്ടേട്ടന്‍ സര്‍വീസില്‍ ഇരുന്നപോഴുണ്ടായ ഒരു സംഭവമാണ് .

കുട്ടേട്ടന് ദുശ്ശീലങ്ങള്‍ ഒന്നുമില്ല എന്ന് പറഞ്ഞല്ലോ.പക്ഷേ ആകെ ഉള്ള ഒരു കുഴപ്പം എന്തിനും കയറി പന്തായം വച്ച് കളയും എന്നതാണ്.മേലാപ്പീസര്‍മരോട് വരെ കുട്ടേട്ടന്‍ പന്തായം കെട്ടാറുണ്ട്.പന്തായം കെട്ടിയാല്‍ വിജയവും കുട്ടേട്ടന്റെ ഒപ്പമാവും.,അത് കാലാകാലങ്ങളായി വിജയത്തിന്‍റെ ഒരു ശീലമാണ്.
ഈ പന്തായം കെട്ടല്‍ മാറ്റാന്‍ പഠിച്ച പണി പതിനെട്ടും പയറ്റി പരാജയം അടഞ്ഞവരാണ് സഹപവര്‍ത്തകര്‍.

കുട്ടേട്ടന്‍റെ സ്റ്റേഷന്‍.ലെ S .I .ക്ക് 6 പെണ്‍മക്കളാണ് .ഏഴാമതെത് എങ്കിലും ആണാവാന്‍  പ്രാര്‍ഥിച്ചു കഴിയുന്ന ഒരു പാവം മനുഷ്യന്‍.പക്ഷേ ഇത്തവണയും ദൈവം ചതിച്ചു.പെണ്‍കുട്ടി .
പിന്നീടാണ് S .I അറിയുന്നത് ചതിച്ചത് ദൈവമല്ല.കുട്ടേട്ടനാണ്.കുട്ടേട്ടന്‍ സ്റ്റേഷന്‍.ലെ പാറാവുകാരനോട് ബെറ്റ് വച്ചിരുന്നത്രെ S .I സാറിനു ഇത്തവണയും പെണ്‍കുഞ്ഞാവുമെന്ന്.
 കുട്ടേട്ടന്‍ ബെറ്റ് വച്ചത്കൊണ്ട് മാത്രമാണ് ഇത്തവണ പെണ്‍കുഞ്ഞായത് എന്നുറച്ചു വിശ്വസിച്ചു കലി പൂണ്ട S .I കുട്ടേട്ടനെ സ്ഥലം മാറ്റിച്ചു.അതും ഏതോ 'ഗോകര്‍ണ'ത്തേക്ക്.

"ഇവിടുത്തെ പോലെ അവിടെയും കണ്ടതിനെല്ലാം കേറി പന്തായം വച്ച് കളയരുത്.അതിനു വേണ്ടിയാണ് നിന്നെ മാറ്റുന്നത്." യാത്ര അയച്ചപ്പോള്‍ S .I ഗുണദോഷിച്ചു.ഒപ്പം ഒരു കത്തും കൊടുത്തു.

സ്ഥലം മാറി ചെന്നപ്പോള്‍ അവിടുത്തെ S .I കുട്ടേട്ടന്റെ കയ്യില്‍ കൊടുത്തു വിട്ടിരുന്ന കത്ത് വായിച്ച ശേഷം ചോദിച്ചു
"അപ്പോള്‍ താന്‍ വലിയ പന്തായക്കാരന്‍ ആണല്ലേ "

"അത് സാര്‍...അതെന്റെ ഒരു ഹോബിയാണ്  സാര്‍.." കുട്ടേട്ടന്‍ പറഞ്ഞു.

"ഓഹോ " 

"അതെ സാര്‍..ജയിക്കുമെന്ന് കണ്ടാല്‍ ഞാന്‍ ഉറപ്പായും  ബെറ്റ് വയ്ക്കും സാര്‍..ഉദാഹരണത്തിന് സാറിന്റെ പുറത്തൊരു വലിയ മറുകുണ്ടെന്നു  ഞാന്‍ പറയുന്നു "

"എന്ത്...എന്റെ പുറത്തു മറുകോ ???"

"അതെ...ഒരു വലിയ  മറുക് "

"വാട്ട് എ നോണ്‍സെന്‍സ് ???"

"ഒരു കറുത്ത വൃത്തികെട്ട മറുക്...അത് രഹസ്യമാണെന്നും എനിക്കറിയാം സാര്‍ "

"എന്റെ പുറത്ത് അങ്ങനെ ഒരു  മറുകില്ല"

"മറുകുണ്ടെന്നു ഞാന്‍ 100 രൂപ ബെറ്റ് വയ്ക്കുന്നു സാര്‍ "

കലി കയറിയ S .I ഷര്‍ട്ട് ഊരിയിട്ട് പുറം തിരിഞ്ഞു നിന്ന് കാണിച്ച കൊടുത്തു.
 "നിന്നെ ഞാന്‍ ഒരു പാഠം പഠിപ്പിക്കുന്നുണ്ട് ..നോക്കെടാ.. ________ മോനെ ..എവിടാടാ  നിന്റെ_______ മറുക് ???"

"ഒള്ളതാ സാറേ... സാറിന്റെ പുറത്ത് മറുകില്ല,പക്ഷേ ഇവിടെ വന്നാലുടന്‍ സാറിന്‍റെ ഉടുപ്പൂരിക്കുമെന്നു അവിടുത്തെ S .I .യോട് 500 രൂപ  ബെറ്റ് വച്ചിട്ടാ ഞാന്‍ വന്നിരിക്കുന്നത് .അതീന്നു 100 സാറിനും 400 എനിക്കും "
_________________________________________________________________________

ഒരിക്കല്‍ കുട്ടേട്ടന്‍ പറഞ്ഞു "ഇത് അസൂയക്കാര്‍ പറഞ്ഞു പരത്തിയ കഥയാ പിള്ളേരേ..അങ്ങനൊന്നും നടന്നിട്ടേയില്ല..അവന്മാരെ ഞാന്‍ വെല്ലുവിളിക്കുന്നു.. ഇത് സത്യമാണെന്ന് തെളിഞ്ഞാല്‍ 500 രൂപ ..പന്തായം"

ഇന്ന്  പന്തായം വയ്ക്കാന്‍ ഞങ്ങളുടെ കുട്ടേട്ടനില്ല.കുട്ടേട്ടന്‍ ഓര്‍മയായിട്ട് ഈ ജനുവരിയില്‍  ഒരു വര്‍ഷം തികയുന്നു.ആ ഓര്‍മകള്‍ക്ക് മുന്‍പില്‍ ഈ പോസ്റ്റ്‌ സമര്‍പ്പിക്കുന്നു..


3 comments:

  1. പന്തയം വെച്ചാൽ ഇങ്ങനെ വെക്കണം കുട്ടേട്ടാ‍ാ‍ാ‍ാ‍ാ‍ാ‍ാ‍ാ‍ാ‍ാ‍ാ

    ReplyDelete
  2. waiting 4 d nxt...............ithippo ethra nalayiii...

    ReplyDelete
  3. appo aa bet thottille... orikkalum thottitilla ennalle paranjee..

    ReplyDelete

പ്രേമലേഖനം

  പ്രിയപ്പെട്ട  വള്ളിച്ചെടി... ഞാനൊരു മഹാവൃക്ഷമല്ല.വൃക്ഷം എന്ന സംബോധന പോലും എനിക്ക് ചേരില്ല.എന്നെ അങ്ങനെ വിളിക്കുന്നത്  എന്റെ  കൂട്ടർക്ക് തന...