ഒരിക്കൽ കൂടി ചുംബിക്കണം.
പുതിയ കഥയുടെ പറുദീസയിലേക്കു ഞാൻ നടന്നു കയറും മുൻപ്
നിന്നെ ഒരിക്കൽ കൂടി ചുംബിക്കണം.
ചുംബനം സമരമെങ്കിൽ,ആ സമരം നയിക്കണം.
ചുംബനം മുക്തിയെങ്കിൽ ,അതിൽ മുങ്ങി നിവരണം.
അതിനു നിന്നെ ചുംബിക്കണം.ചുംബിച്ചുറക്കണം.
നീ ഉറങ്ങുന്നത് നോക്കിയിരിക്കണം.
ഇനി ഉണരില്ലന്നു ഉറപ്പു വരുത്തണം.
ഒരു വെളിമ്പറമ്പിൽ കുഴിച്ചിടണം.
അന്നേ ദിവസം ഞാൻ ധ്യാനത്തിന് പോയെന്നു,
എനിക്ക് എന്നോട് തന്നെ നുണ പറയണം.
ഞാൻ എന്നെ തൂക്കിലിട്ടില്ലെങ്കിൽ,
തിരിച്ചെത്തി നിൻ കുഴിമാടത്തിൽ
ഒരിക്കലും വിടരാത്ത പൂ വയ്ക്കണം.
ശേഷം കാഴ്ചയിൽ എന്നൊരു കുറിപ്പെഴുതി
അടിയിൽ ഒപ്പിടണം.
ഇതിനൊക്കെ വേണ്ടി,നമുക്കൊരു സമരം നയിക്കണം.
നമുക്ക് ഒരു തവണ കൂടി ചുംബിക്കണം.
എനിക്ക് എന്റെ മുക്തിയിലേക്ക് ഉണരണം.
ഭാരമില്ലാത്ത ഇലയായ് പറക്കണം.
No comments:
Post a Comment